香港新浪網 MySinaBlog
« 上一篇 | 下一篇 »
Oku | 13th Nov 2013, 18:45 PM | 隨心-關於奧 | (95 Reads)

要練好EQ,機會,無處不在⋯⋯

 

 

 

 

話說今日無帶八逹通出街,係荃灣準備搭巴士銀包又得張一舊水,就走去買十蚊小食打散。

 

"阿姐,唔該要10蚊,兩紅腸兩蟹柳兩魚蛋"

 

感覺上,阿姐口到咕左句野算應左我,然後見阿姐開始拎起個夾開始夾兩件豆腐兩件青椒,再兩件矮瓜⋯⋯

 

我望一望,附近無人吖又日光日白天都未黑,就係同一時間阿姐望住我問要唔要豉油⋯⋯

 

我唯有再講:"阿姐我係要兩紅腸兩蟹柳兩魚蛋,妳依到一件都唔中喎?"

 

之後阿姐好似好無奈講左句"係咩"同再咕左句我聽唔到嘅野,又再開始夾過。

 

難得今次中晒佢又再問我要唔要豉油,就係我講唔要完左個一瞬間,就見阿姐左手一支豉油右手一支辣油飛快咁啫左幾野⋯⋯

 

識我嘅人都知我唔食得辣,雖然我都知阿姐妳都唔識我,但係幾秒前妳都淨係問我要唔要豉油啫?

 

阿姐跟手就隊包野比我收錢,我跟手就講:"阿姐我無話要辣油同唔要豉油喎!"

 

依次阿姐無講"係咩",而係"咁你頭先唔講清楚D!"

 

之後,我無再同阿姐玩落去,因為我知道一個活係自己世界嘅人,我係無可能蠃到佢。

 

要練好EQ,機會,無處不在⋯⋯